სასკოლო ჰაკათონი

2016 წლის 10 აპრილს ქუთაისის მე-17 საჯარო სკოლისა და აკ.წერეთლის სახელობის უნივერსიტეტის ,,მომავლის სამრეწველო ინოვაციების ლაბორატორია FABLAB”-ის მხარდაჭერით ჩატარდა სასკოლო ჰაკატონის ფინალური ტური, სადაც წარმატებით იასპარეზეს წმინდა ალექსი შუშანიას სახელობის მართლმადიდებლური სკოლა-გიმნაზიის მეშვიდე კლასის მოსწავლეებმა პროექტებით: ,,ლაზერული ჭრა“, საქართველოს ინტელექტუალური რუქა“ და ,,რობოტი“.

პირველ კლასში მიღების მსურველთა შერჩევა-გასაუბრება

წმინდა ალექსი შუშანიას მართლმადიდებლური სკოლა-გიმნაზია გაცნობებთ, რომ 2016 წლის 2 აპრილიდან 5 აპრილის ჩათვლით დანიშნულია 2016-2017 სასწავლო წლისათვის პირველ კლასში მიღების მსურველთა შერჩევა-გასაუბრება. დაწვრილებითი ინფორმაციისათვის მიმართეთ სკოლა-გიმნაზიის ადმინისტრაციას, ან დარეკეთ შემდეგ ნომრებზე: 0413 27 82 72; 0790 97 95 75;

"რა არის ნატო?"

2016 წლის 21 მარტს წმინდა ალექსი შუშანიას მართლმადიდებლური სკოლა-გიმნაზიის ბიბლიოთეკაში განვითარებისა და დემოკრატიის ცენტრის მხარდაჭერით მოეწყობა საინფორმაციო ტიპის შეხვედრა თემაზე: ,,რა არის ნატო?“. შეხვედრას უძღვება ნატოს სამოკავშირეო ოფისის ხელმძღვანელი უილიამ ლაჰიუ.

მხიარული სტარტები სკოლა-გიმნაზიაში

წმინდა ალექსი შუშანიას მართლმადიდებლურ სკოლა-გიმნაზიაში გაიმართება ტრადიციული სპორტული ღონისძიება ,,მხიარული სტარტები“. მშობლებს და ყველა მსურველს საშუალება ეძლევა უგულშემატკივროს მონაწილეებს. ,,მხიარული სტარტები“-ს განრიგი ასეთია: • II კლასი – 18/III • III კლასი –25/III • IV კლასი – 20/III

კონფერენცია

2016 წლის 28 მარტს ტარდება წმინდა ალექსი შუშანიას მართლმადიდებლური სკოლა-გიმნაზიისა და საქართველოს ტექნიკური უნივერსიტეტის ერთობლივი ღონისძიება-კონფერენცია თემაზე: ,,STEM-ის პროექტები; რეალურ-ვირტუალური ლაბორატორიის გამოყენება სასწავლო პროცესში“. დასწრება თავისუფალია.

მშობელთა საყურადღებოდ

მშობელთა საყურადღებოდ! წმინდა ალექსი შუშანიას მართლმადიდებლურ სკოლა-გიმნაზიაში იწყება მშობელთა კვირეულის მეორე ეტაპი, რომელიც ჩატარდება შემდეგი გრაფიკით: • II,III კლასი – 8/II-12/II • IV კლასი – 12/II-22/II • VI,VII კლასი – 29/II-4/III

მშობელთა საყურადღებოდ!

მშობელთა საყურადღებოდ! 2016 წლის 20 აპრილს წმინდა ალექსი შუშანიას სახელობის მართლმადიდებლურ სკოლა-გიმნაზიაში ტარდება ინტელექტუალური თამაში ,"ბრეინ-რინგი", რომელშიც სკოლა-გიმნაზიის გუნდებთან ერთად მონაწილეობს ნოსირისა და ძველი სენაკის საჯარო სკოლების გუნდები. დასაწყისი 15.00საათზე.

საშობაო სპექტაკლი

წმინდა ალექსი შუშანიას მართლმადიდებლურ სკოლა-გიმნაზიაში ტრადიციად იქცა საშობაო წარმოდგენა, რომელსაც უკვე ჰყავს თავისი მაყურებელი. მათ არც ამჯერად დატოვებს გულგრილს საშობაო სპექტაკლი ,,გზაჯვარედინზე“, რომელიც 2016 წლის 9 იანვარს გაიმართება.

მილოცვა

წმინდა ალექსი შუშანიას მართლმადიდებლური სკოლა-გიმნაზია გილოცავთ ქრისტეშობის ბრწყინვალე დღესასწაულს და უფლის წაყალობითა და კურთხევით ულევ ბედნიერებას, მშვიდობას და სიხარულს გისურვებთ!

ოქროსფერი შემოდგომა

წმინდა ალექსი შუშანიას სახელობის მართმადიდებლური სკოლა-გიმნაზიის II ა -კლასის მოსწავლეებმა განახორციელეს პროექტი სახელწოდებით „ ოქროსფერი შემოდგომა“, რომელიც ჩატარდა ისტორიულ არქეოპოლისში. შთამბეჭდავი და დაუვიწყარი დღე აჩუქეს გიმნაზიელებმა მშობლებსა და პედაგოგებს და წარმოაჩინეს თავიანთი ცოდნის დონე და უდიდესი მონდომება იმ საგნებში, რომელთა ინტეგრირებაც მოხდა(ქართული ენა და ლიტერატურა, მათემატიკა, ბუნებისმეტყველება) პროექტზე მუშაობდნენ: ნათია ცხვიტავა, სოფიო ფაჩულია და ნინო ჟიშკარიანი.