IV კლასელთა ხელნაკეთი ნივთების გამოფენა-გაყიდვა

19 დეკემბერს, სკოლა-გიმნაზიაში მოეწყო IV კლასელთა ხელნაკეთი ნივთების გამოფენა-გაყიდვა. პატარებმა წარმოადგინეს ულამაზესი საახალწლო ნივთები, რომელიც შეიძინეს გიმნაზიის მოსწავლეებმა და პედაგოგებმა. მათივე ინიციტივით, გამოფენილი ნივთების გაყიდვით მიღებული თანხა მოხმარდება მიუსაფარი ცხოველების გამოკვებას. გიმნაზია მიესალმება ჩვენი მოსწავლეების ამ წამოწყებას და მხარს უჭერს მათ ნებიმიერი კეთილი საქმის განხორციელებაში. გამოფენა-გაყიდვის ორგანიზატორები მარინა სახოკია მაკა სირია

საკვირაო სკოლა გახსნა

სრულიად საქართველოს კათოლიკოს-პატრიარქის მოსაყდრე, სენაკისა და ჩხოროწყუს მიტროპოლიტ შიოს ლოცვა-კურთხევით, აფხაზეთიდან იძულებით გადაადგილებულ პირთა-დევნილთა მომსახურების სააგენტოს მხარდაჭერითა და წმინდა ალექსი შუშანიას სახელობის მართლმადიდებლური სკოლა-გიმნაზიის ორგანიზებით, წმინდა ალექსი შუშანიას სახელობის მართლმადიდებლურ სკოლა-გიმნაზიაში ქ. სენაკში მცხოვრები აფხაზეთის ავტონომიური რესპუბლიკიდან იძულებით გადაადგილებული 13-დან 18 წლამდე ახალგაზრდებისთვის საკვირაო სკოლა გაიხსნა.

ათასწლეულის ინოვაციის კონკურსის 2022 წლის ფინალი შედგა.

პირველი ადგილი დაიკავა გუნდმა LIGGA, რომლის წევრი გახლავთ წმინდა ალექსი შუშანიას სახელობის მართლმადიდებლური სკოლა-გიმნაზიის XII კლასის მოსწავლე გიორგი ტყებუჩავა. ვულოცავთ გამარჯვებას გუნდის წევრებს: გეგა შავდათუაშვილს, ირაკლი ქუცნაშვილს, ლიზი თეთრაშვილს და ალექსანდრე კუხიანიძეს. ისინი აშშ-ში, ნასას კოსმოსური ცენტრის უნივერსიტეტის ბანაკს დაესწრებიან. მადლობა კონკურსის მთავარ მხარდამჭერს: US Embassy Tbilisi, Georgia კონკურსში, ასევე, მონაწილეობდა სკოლა-გიმნაზიის XI კლასის მოსწავლე საბა ხაბურზანია გუნდით Atemporal, რომელიც კომპანია EPAM-ის რჩეული გახდა. გუნდის წევრები ლიზი უკლება, მარიამ ჯუღელი, ლიზი ჩარექიშვილი და ნინო კუტივაძე პოლონეთში, EPAM Garage Innovation Community ცენტრს გაეცნობიან.

კამპანია ,,არა ფოიერვერკებს"

სკოლა-გიმნაზიის ეკო-კლუბი დღეიდან იწყებს კამპანიას -- ,,არა ფოიერვერკებს". ისინი გიმნაზიის თითოეულ კლასში ჩაატარებენ პრეზენტაციებს, რომლითაც ინფორმაციას მიაწვდიან თანატოლებს ფოიერვერკების მავნებლობაზე. ახალი წლის ღამეს, თუ ჩვენი კამპანიის შემდეგ, თუნდათ რამდენიმე ათეული ოჯახი გადაწყვეტს არ აღნიშნოს ახალი წლის დადგომა ამ სახით, ჩავთვლით, რომ შედეგი მიღწეულია. ამ კამპანიას, გარდა გარემოსა და ცხოველების დაცვისა, აქვს ერთი მთავარი მისია: არ იყიდოთ ფოიერვერკები და თუნდაც ერთი მაშხალის საფასური შემოწირეთ გიმნაზიის ეკო-კლუბის ფონდს, რომლითაც დავეხმარებით იმ პატარებს, რომელთაც მცირედი საკვების შეძენის საშუალებაც კი არ გააჩნიათ. დავიცვათ გარემო!

განცხადება

თუ, თქვენთვის მნიშვნელოვანია, რომ თქვენს შვილს ადრეული ასაკიდან ჰქონდეს:
მრავალფეროვანი ინტერესები
კარგი ემოციური რეგულაცია
შემოქმედებითი აზროვნება და პრობლემის გადაჭრის უნარი
არტ-თერაპია
ფობიები
ასაკობრივ ზოგად თემებზე მსჯელობა
☀️შემოგვიერთდით ბიბლიოთეკისა და ფსიქოთერაპიის შეხვედრებზე??? ?ნინო სახოკია
?ცირა ხუნწარია

პროექტი კამათის ხელოვნება.

20 ნოემბერს, სკოლა-გიმნაზიამ მონაწილეობა მიიღო კავკასიის საერთაშორისო უნივერსიტეტის მიერ დაგეგმილ სასკოლო-საგანმანათლებლო პროექტში - „კამათის ხელოვნება” (ისწავლე თამაშით)
„ვკამათობთ არა კამათისთვის, არამედ ვკამათობთ შედეგისთვის“.
პროექტის მიზანი იყო:
ახალგაზრდებში არგუმენტირებული კამათის კულტურის, კრიტიკული აზროვნების, სასაუბრო დროის რაციონალურად სარგებლობის, საჭირო მასალებისა თუ ინფორმაციის მოძიების უნარების განვითარება.

ფსიქოლოგ ნინო სახოკიას ტრენინგი

2020 წლის 15-16 თებერვალს, სკოლა-გიმნაზიის ფსიქოლოგი ნინო სახოკია ატარებს ტრენინგს, დაწყებითი საფეხურის მასწავლებლებისათვის, თემაზე: ,,ტემპერამენტის ტიპები“. ტრენინგი ჩატარდება სკოლა-გიმნაზიის ბიბლიოთეკაში და დაიწყება 13.00საათზე.

მილოცვა

წმინდა ალექსი შუშანიას სახელობის მართლმადიდებლური სკოლა–გიმნაზია, სითბოთი და დიდი მონატრებით, ულოცავს საპატრიარქო ტახტის მოსაყდრეს, სენაკისა და ჩხოროწყუს მიტროპოლიტ შიოს (მუჯირი) დაბადების დღეს და უსურვებს ჯანმრთელობას და დიდხანს სიცოცხლეს.

ღირსი ალექსი სენაკელის(შუშანია) ხსენების დღე

31 იანვარს, სენაკისა და ჩხოროწყუს ეპარქიას ბევრი მომლოცველი სტუმრობს, რადგან, ამ დღეს, ამ ეპარქიის განსაკუთრებული მფარველის, ღირსი ალექსი სენაკელის(შუშანია) ხსენების დღე აღინიშნება. წმინდა ალექსი შუშანიას სახელობის მართლმადიდებლური სკოლა-გიმნაზია გილოცავთ ამ დღესასწაულს! საზეიმო წირვები ჩატარდება მენჯის მთავარანგელოზთა სახელობის ტაძარში და ღირსი ალექსი სენაკელის სახელობის ტაძარში.

გალობის ფესტივალი

2020 წლის 2 თებერვალს, წმინდა ექვთიმე აღმსარებლის(კერესელიძე) ხსენების დღეს, 13 საათზე, წმინდა ალექსი შუშანიას სახელობის მართლმადიდებლური სკოლა-გიმნაზია, ა(ა)იპ სენაკის მუნიციპალიტეტის ხელოვნების ცენტრის მხარდაჭერით, ატარებს ქართული საეკლესიო გალობის ფესტივალს. ფესტივალში მონაწილეობის მიღება შეუძლიათ, დასავლეთ საქართველოს, საპატრიარქოს დაქვემდებარებაში მყოფი სკოლების გუნდებს. თითოეულმა გუნდმა უნდა შეასრულოს ორი კანონიკური საეკლესიო საგალობელი და ერთი ქართული ხალხური სიმღერა. სკოლებმა ფესტივალში მონაწილეობის შესახებ განაცხადი, მონაწილეთა რაოდენობა და რეპერტუარი უნდა წარმოადგინონ არა უგვიანეს 27 იანვრისა. ფესტივალი ჩატარდება ქ. სენაკის სამუსიკო სკოლის დიდ საკონცერტო დარბაზში. მისამართი: სენაკი, წერეთლის ქ.№1, მე-3 სართული. დამატებითი ინფორმაციის მისაღებად დაგვიკავშირდით შემდეგ ტელეფონის ნომრებზე: 551099598 (ნინო); 595160888 (ია).