2020-2021 სასწავლო წლისათვის მოსწავლეთა მიღება

წმინდა ალექსი შუშანიას სახელობის მართლმადიდებლური სკოლა–გიმნაზია, 2020-2021 სასწავლო წლისათვის, აცხადებს მოსწავლეთა მიღებას პირველ კლასში. განცხადებები მიიღება ყოველ დღე, შაბათ–კვირის გარდა 10.00 სთ-დან – 17.00 სთ-მდე. დაწვრილებითი ინფორმაციისთვის მიმართეთ სკოლა-გიმნაზიის ადმინისტრაციას (მისამართი: სენაკი, რუსთაველის ქ. 116; ტელ: 551099598; 595160888; 568982525).

რა? სად? როდის?

წმინდა ალექსი შუშანიას სახელობის მართლმადიდებლური სკოლა-გიმნაზიის მოსწავლეთა თვითმმართველობა, 2020 წლის იანვარში მართავს ინტელექტუალურ თამაშს - ,,რა? სად? როდის?“ თამაშში მონაწილეობას მიიღებენ გიმნაზიის IX-X-XI კლასის მოსწავლეებისგან შემდგარი გუნდები. ზოგადი თემების გარდა, შეკითხვები დაისმევა მოსწავლეთა თვითმმართველობის მიერ შერჩეული სამი წიგნიდან, აქედან გამომდინარე, მონაწილე გუნდებს ევალებათ წაიკითხონ შემდეგი ნაწარმოებები: • გურამ დოჩანაშვილი - ,,კაცი, რომელსაც ლიტერატურა ძლიერ უყვარდა". • აკა მორჩილაძე - ,,ფალიაშვილის ქუჩის ძაღლები". • ჯორჯ ორუელი - ,,1984". სკოლა-გიმნაზია ბედნიერ შობა-ახალ წელს და საინტერესოდ გატარებულ არდადეგებს გისურვებთ.

ესეები კონკურსი სკოლა-გიმნაზიაში

წმინდა ალექსი შუშანიას სახელობის მართლმადიდებლურ სკოლა-გიმნაზიაში, ჩატარდა შიდა-სასკოლო ესეების კონკურსი თემაზე - ,,ბულინგი - სასკოლო ოინი თუ ნორმად ქცეული ძალადობა?" კონკურსში მონაწილეობა მიიღეს VII, VIII, IX, X და XI კლასის მოსწავლეებმა. წარმოდგენილი იყო საინტერესო ნაშრომები, რომლის შეფასება დაევალა ჟიურის, რომელიც დაკომპლექტებული იყო პედაგოგებითა და მოსწავლეთა თვითმმართველობის საბჭოს წარმომადგენლებით. გამოვლინდა სამი საუკეთესო ნაშრომი, რომელთა ავტორები გახლავთ IX გ მოსწავლე- ლუკა ცაავა და VII ბ კლასის მოსწავლე - ნანიკო ჩიტაია. გამარჯვებული გახდა - IX გ კლასის მოსწავლე - ლევან ჭანტურია

მხიარული სტარტები

2019 წლის 13 დეკემბერს სკოლა-გიმნაზიაში ჩატარდება სპორტული აქტივობა - ,,მხიარული სტარტები", რომელშიც მონაწილეობას მიიღებენ IVა-ბ-გ კლასის მოსწავლეებისგან შემდგარი გუნდები. უგულშემატკივრეთ თქვენს რჩეულ გუნდს!

სპექტაკლი უფლისწული და მათხოვარი

წმინდა ალექსი შუშანიას სახელობის მართლმადიდებლური სკოლა–გიმნაზიის IV–გ კლასის მოსწავლეები 2019 წლის 15 დეკემბერს, 12 სათზე, გეპატიჟებიან სპექტაკლზე –,,უფლისწული და მათხოვარი". დასწრება თავისუფალია.

კონფერენცია

წმ.ალექსი შუშანიას სახელობის მართლმადიდებლური სკოლა-გიმნაზიის ინგლისური ენის კათედრის ორგანიზებით, 2019 წლის 21 დეკემბერს, სკოლა–გიმნაზიაში ჩატარდება მოსწავლეთა სასწავლო კონფერენცია თემაზე: "თანამედროვე ტექნოლოგიების გამოყენების ეფექტურობა სწავლების პროცესში". კონფერენციაში მონაწილეობის მიღების უფლება აქვთ, სენაკის საჯარო და კერძო სკოლების VIII-XII კლასის მოსწავლეებს. თემის წარდგენის ბოლო ვადაა 15.12.2019წ.

მოსწავლეთა თვითმმართველობის წევრების საყურადღებოდ!

მოსწავლეთა თვითმმართველობის წევრების საყურადღებოდ! 2019 წლის 7 დეკემბერს, სკოლა-გიმნაზიის ბიბლიოთეკაში შედგება მოსწავლეთა თვითმმართველობის შეხვედრა სკოლა-გიმნაზიის დირექტორთან.

STEM ფესტივალი 2019!

წმინდა ალექსი შუშანიას სახელობის მართლმადიდებლური სკოლა-გიმნაზიის მოსწავლეები - ნათია შამათავა, ალექსი ტყებუჩავა, გიგი გუგუნავა და დავით გულბანი, ხელმძღვანელთან - უტა კილასონიასთან ერთად, მონაწილეობას მიიღებენ ქუთაისის N33 საჯარო სკოლაში გამართულ STEM-2019 ფესტივალში. წარმატებებს ვუსურვებთ გიმნაზიის STEM -ჯგუფს.

ფსიქოლოგ ქეთევან კობალაძის სტუმრობა

წმინდა ალექსი შუშანიას სახელობის მართლმადიდებლური სკოლა-გიმნაზია 2019 წლის 19-26 ნოემბერს უმასპინძლებს ფსიქოლოგ ქეთევან კობალაძეს. ვიზიტის ფარგლებში დაგეგმილია შეხვედრა მოსწავლეებთან, მშობლებთან და მასწავლებლებთან. შეხვედრების გრაფიკის დაზუსტება შეგიძლიათ კლასის დამრიგებლებთან.

ქართული ცეკვისა და ქართული ხალხური სიმღერისა და გალობის წრე.

წმინდა ალექსი შუშანიას სახელობის მართლმადიდებლურ სკოლა-გიმნაზიაში მუშაობას განაახლებს ქართული ცეკვისა და ქართული ხალხური სიმღერისა და გალობის წრე. სწავლება უფასოა. მეცადინეობები ჩატარდება შემდეგი გრაფიკით: ქართული ცეკვა - სამშაბათი, ხუთშაბათი, 17:00 სთ. პედაგოგი - ვალერი დემურია. ქართული ხალხური სიმღერა და გალობა - ორშაბათი, ოთხშაბათი, 17:00 სთ. - პედაგოგი - დიმიტრი კაკულია.