მილოცვა!

მასწავლებელთა პროფესიული განვითარების ეროვნული ცენტრის მიერ, 2019 წლის საუკეთესო ინგლისური ენის მასწავლებლის გამოსავლენად გამოცხადდა კონკურსი. აღნიშნულ კონკურსში მონაწილეობა მიიღო წმინდა ალექსი შუშანიას სახელობის მართლმადიდებლური სკოლა- გიმნაზიის ინგლისური ენის პედაგოგმა თამარ ყალიჩავამ, ის 2019 წლის საუკეთესო ინგლისური ენის მასწავლებლის ხუთეულშია. ვულოცავთ თამარს და სკოლა-გიმნაზიას!

განცხადება

წმინდა ალექსი შუშანიას სახელობის მართლმადიდებლური სკოლა–გიმნაზია 2018/19 სასწავლო წლისათვის აცხადებს აღსაზრდელების მიღებას მის ბაზაზე არსებული სკოლამდელი აღზრდის დაწესებულებაში (5-6 წლიანი ჯგუფი) საბავშვო ბაღი იმუშავებს შემდეგ მისამართზე: სენაკი, სტალინის ქ.95 (შხეფის ყოფილი რვაწლიანი სკოლის მეორე სართული). განცხადებები მიიღება ყოველ დღე, შაბათ–კვირის გარდა 11:00სთ–დან – 17:00სთ–მდე. დაწვრილებითი ინფორმაციისათვის მიმართეთ სკოლა–გიმნაზიის ადმინისტრაციას (მისამართი: სენაკი, რუსთაველის ქ.116; ტელ:0413 27 82 72; 599 57 30 31; 595 16 08 88).

განცხადება

წმინდა ალექსი შუშანიას სახელობის მართლმადიდებლური სკოლა–გიმნაზია 2018/19 სასწავლო წლისათვის აცხადებს ვაკანსიას სკოლამდელი აღზრდის დაწესებულების შემდეგ პოზიციებზე:
1. სკოლამდელი აღზრდის დაწესებულების სასკოლო მზაობის ჯგუფის აღმზრდელ-მასწავლებელი
2. სკოლამდელი აღზრდის დაწესებულების აღმზრდელ-მასწავლებელის დამხმარე
განცხადებები მიიღება 2018 წლის 24 აგვისტოს ჩათვლით, ყოველ დღე, შაბათ–კვირის გარდა 11:00სთ–დან – 17:00სთ–მდე. კანდიდატების შერჩევა მოხდება სკოლა–გიმნაზიის მრჩეველთა საბჭოს მიერ. დაწვრილებითი ინფორმაციისათვის მიმართეთ სკოლა–გიმნაზიის ადმინისტრაციას
(მისამართი: სენაკი, რუსთაველის ქ.116; ტელ:0413 27 82 72; 599 57 30 31; 595 16 08 88).

მილოცვა

ზოგადსაგანმანათლებლო დაწესებულების ავტორიზაციის საბჭოს გადაწყვეტილებით (№41; 13.07.2018წ.) წმინდა ალექსი შუშანიას სახელობის მართლმადიდებლურ სკოლა-გიმნაზიას მიენიჭა ზოგადსაგანმანათლებლო დაწესებულების სტატუსი დაწყებით, საბაზო და საშუალო საფეხურების საგანმანათლებლო პროგრამების განსახორციელებლად.
ვულოცავთ, მის მაღალყოვლადუსამღვდელოესობას, სრულიად საქართველოს კათოლიკოს-პატრიარქის ტახტის მოსაყდრეს, სენაკისა და ჩხოროწყუს მიტროპოლიტ შიოს (მუჯირი), სკოლა-გიმნაზიის მთელ კოლექტივს, მოსწავლეებს, მათ მშობლებს და ყველა ჩვენს გულშემატკივარს ამ დიდ წარმატებას, რომელიც ერთობის, სიყვარულისა და თავდადების შედეგია.
ეს დასაწყისია, უფლის წყალობით წინ კიდევ დიდი გამარჯვებები გველის!

სტუმრად სტეფანწმინდის წმ. ილია მართლის სახელობის გიმნაზიაში.

STEM-ის ფარგლებში გამოცდილების გაზიარების მიზნით, წმინდა ალექსი შუშანიას სახელობის მართლმადიდებლური სკოლა-გიმნაზიის მოსწავლეთა ათასწლეულის ინოვაციის კონკურსში გამარჯვებული გუნდის “smart kids” წევრები (გუნდის მენტორი უტა კილასონია) სტეფანწმინდის წმ. ილია მართლის სახელობის გიმნაზიამ მიიწვია. შეხვედრა ძალიან საინტერესოდ წარიმართა. „smart kids“ სტეფანწმინდის გიმნაზიის მოსწავლეებს გამარჯვებული პროექტი წარუდგინა და რაც მთავარია, დაიგეგმა STEM-ის ფარგლებში ერთობლივი ღონისძიებები ორივე გიმნაზიის მოსწავლეთა მონაწილეობით. სტეფანწმინდის ულამაზესი გარემოს და სტუმართმოყვარე მასპინძლების შთაბეჭდილებები ჯერაც არ განელებულა.

სასწავლო წლის დასასრულისადმი მიძღვნილი ღონისძიებების განრიგი

სასწავლო წელი, წმინდა ალექსი შუშანიას სახელობის მართლმადიდებლური სკოლა–გიმნაზიის პირველკლასელთათვის - 2018 წლის 09 ივნისს, ხოლო მეორე-მეცხრე კლასელთათვის - 2018 წლის 15 ივნისს, საგაკვეთილო პროცესის შემდეგ, საზეიმო ღონისძიებით დასრულდება. ღონისძიება, სკოლა-გიმნაზიის ხელოვნების ბლოკის საანგარიშო კონცერტი იქნება. გისურვებთ წარმატებებს და მხიარულ, საინტერესო აქტივობებით დატვირთულ არდადეგებს!

,,English book in Georgia“

2018 წლის 22 მაისს წმინდა ალექსი შუშანიას სახელობის მართლმადიდებლურ სკოლა-გიმნაზიაში ,,English book in Georgia“ (,,გამომცემლობა წიგნი საქართველოში“)-ს წარმომადგენელი ზვიად დეკანოიძე გამართავს პრეზენტაციას Toefl-ის გამოცდებთან და გაცვლით პროგრამებთან დაკავშირებით. დასწრება შეუძლია ნებისმიერ მსურველს, მათ შორის საჯარო სკოლის პედაგოგებს, მშობლებსა და მოსწავლეებს.

ნიკო კეცხოველის პრემია - 2019

2018 წლის მაისში, CENN-ის მიერ, საქართველოს მასშტაბით, გამოცხადდა კონკურსი ,,ნიკო კეცხოველის პრემია - 2019“. კონკურსის მიზანია მდგრადი განვითარების მიზნების შესახებ ცნობიერების ამაღლება. კონკურსში წელს წმინდა ალექსი შუშანიას სახელობის მართლმადიდებლური სკოლა-გიმნაზიაც ჩაერთო. შეიქმნა VII-VIII-IX კლასის მოსწავლეებისგან დაკომპლექტებული გუნდი ,,ECO-R”. კონკურსი გამარჯვებულს 2019 წლის 21 მარტს გამოავლენს.

საქართველოს ბავშვთა და ახალგაზრდული საგუნდო კოლექტივების მეოთხე ეროვნულ კონკურსი

წმინდა ალექსი შუშანიას სახელობის მართლმადიდებლური სკოლა–გიმნაზიის ქართული ხალხური სიმღერისა და გალობის გუნდმა, ხელმძღვანელი დიმიტრი კაკულია, 2018 წლის 13 მაისს ჩატარებული, საქართველოს ბავშვთა და ახალგაზრდული საგუნდო კოლექტივების მეოთხე ეროვნულ კონკურსზე, კატეგორიაში ქართული ხალხური სიმღერა - დაიკავა პირველი ადგილი, ხოლო კატეგორიაში ქართული გალობა - მეორე ადგილი. ვულოცავთ მათ ამ წარმატებას და მომავალში კიდევ უფრო მეტი სიმაღლეების დაპყრობას ვუსურვებთ.

კონფერენცია ,,რწმენა ჩვენს ცხოვრებაში“

2018 წლის 11 მაისს, საქართველოს საპატრიარქოს ახალგაზრდულ ცენტრში, ჩატარდა სასწავლო-პრაქტიკული კონფერენციის ,,რწმენა ჩვენს ცხოვრებაში“ დასკვნითი ტური, სადაც გამარჯვებული თემებით წარსდგნენ და დაჯილდოვდნენ წმინდა ალექსი შუშანიას სახელობის მართლმადიდებლური სკოლა-გიმნაზიის IX კლასის მოსწავლე ლიკა კოკაია - თემა: ,,როგორც უფალი, სამშობლო ერთია ქვეყანაზედა“... და VIIIა კლასის მოსწავლე კესო ტყებუჩავა - თემა: ,,ჩვენ ქართველობა ძველთაგან მოგვდევს“. ვულოცავთ მათ ამ დიდ წარმატებას და კიდევ ბევრ გამარჯვებას ვუსურვებთ.